Bu, Türkiyə üçün böyük qələbə oldu. Müstəqil Kürdüstan yaratmaq üçün onilliklər boyu Türkiyəyə qarşı silahlı mübarizə aparan “kürdüstan fəhlə partiyası” dağıldığını və tərk-silah edildiyini açıqlayıb.

Axar.az xəbər verir ki, bunu rusiyalı politoloq Sergey Markov deyib.

“Səbəb Suriyadır. Türkiyə Əsədi və Suriyanın yeni hökumətini devirməyə kömək etdi. Beləliklə, Suriya və Türkiyənin yeni hakimiyyəti birlikdə PKK-ya ultimatum təqdim etdi: ya tamamilə özünü ləğv et, ya da Suriya və Türkiyənin PKK-ya qarşı birgə hərbi əməliyyatı olacaq. PKK tamamilə məhv olmaq təhlükəsi altında dağıldı və ləğv edilir. Bu, Türkiyəni daha da gücləndirəcək. Ona görə də Rusiyanın düzgün seçimi Türkiyə ilə daha da yaxınlaşmağa doğru getməkdir”, - o bildirib.