13:28

Dövlət Əmək Müfəttişliyi Xidmətinin Əmək qanunvericiliyinə riayət olunmasına dövlət nəzarət şöbəsinin əməkdaşı, Vətən müharibəsi iştirakçısı Vüsal Qurbanlı dünyasını dəyişib.

Axar.az-ın əldə etdiyi məlumata görə, 31 yaşlı Vüsal qəfil ürəktutmasından ölüb.

Qeyd edək ki, V.Qurbanlı ailəli idi. Onun iki azyaşlı övladı var.

Xatırladaq ki, Qurbanlı Vüsal Fikrət oğlu 1994-cü ildə anadan olub. Əslən Qərbi Azərbaycandandır. Azərbaycan Kooperasiya Universitetini bitirib.

Vətən müharibəsi başlayan kimi könüllü formada ordu sıralarına qoşulub. Qubadlının və digər ərazilərin işğaldan azad olunması uğrunda döyüşüb. Müharibədə göstərdiyi igidliyə görə “Qubadlının azad olunmasına görə” medalı ilə təltif olunub.

O, 2022-ci ildən Əmək və Əhalinin Sosial Müdafiəsi Nazirliyinin Dövlət Əmək Müfəttişliyi Xidmətinində çalışırdı.