Bakı-Sumqayıt yolunda avtoqəza baş verib.

Axar.az Oxu.az-a istinadən xəbər verir ki, hadisə zamanı sərnişin avtobusu iki minik avtomobili ilə toqquşub.

Baş Dövlət Yol Polisi İdarəsindən (BDYPİ) fakt təsdiqlənib.

Bildirilib ki, qəza fevralın 15-də saat 16:20-də Bakı-Quba yolunun 8-ci kilometrində, Sumqayıt istiqamətində qeydə alınıb.

"10 TH 236 dövlət nömrə nişanlı sərnişin avtobusu 10 KK 201 dövlət nömrə nişanlı "Mersedes-Benz Gelandevagen" və 77 DQ 014 dövlət nömrə nişanlı "Lynk & Co" avtomobilləri ilə toqquşub.

Hadisə nəticəsində xəsarət alan olmayıb. Nəqliyyat vasitələrinə maddi ziyan dəyib. Faktla bağlı araşdırma aparılır", - məlumatda bildirilib.