Yüksək təhsilə dəstək məqsədilə 1960-cı ildən fəaliyyət göstərən "Canadian Scholarship Trust Plan"ın araşdırması nəticəsində gələcəyin qeyri-adi peşələri müəyyən edilib.

Axar.az həmin peşələri təqdim edir.

Kifayət qədər pulu olanların üz tutacağı nostalgiya mütəxəssisləri onlara müraciət edənlərin istədiyi dövrə uyğun olaraq dizayn işini həyata keçirəcək memarlar olacaqlar. Bu peşə üçün axtarılan əsas xüsusiyyət müəyyən bir dövrü olduğu kimi yenidən yaratmaq deyil, həmin dövrün insanda yaşatdığı hissi yaratmaqdır.

Uzaqdan cərrahiyyə sistemində peşəkarlaşan telecərrahlar tibb dünyasında inqilab edəcək. Ənənəvi tibb təhsili ilə yanaşı robot bacarıqlarını da inkişaf etdirməli olan bu həkimlər, insan həyatını istiqamətləndirən sürətli informasiya axınına və nəzarəti təmin edən müxtəlif videosistemlərə də nəzarət edəcəklər.

Min illərdir təbiətin bizə təqdim etdiyi nemətlərdən istifadə edirik və əvəzində meşələrə, ətraf-mühitə qarşı heç də yaxşı münasibət bəsləmirik. Buna görə də 21-ci əsrin ən böyük problemlərindən biri təbii ehtiyatların tükənməsidir. Bunun qarşısını almaq üçün də bir vaxtların fermerləri yaşıllaşdırıcı olacaqlar. Bitkiləri, heyvanları qısaca təbiəti sevən, əkin-biçini bacaran insanlar bu peşəyə yönələcəklər.

Zibil dizaynerləri yüksək keyfiyyətli tullantıları yenidən emal edərək tamam başqa və yeni məhsul yaradacaqlar. Bu işin bir digər məqsədi də dünyadakı tullantıların miqdarını azaltmaqdır. Oyuncaq, tekstil və mebel sektorlarında istehsalla məşğul olan şirkətlər də istifadə etdikləri məhsulları yoxlamaq üçün bu peşə sahiblərinə ehtiyac duyacaqlar.

Özünüzə bir iş qurduqdan sonra yarana biləcək potensial problemlərin, vaxt itkisinin, işçilərin yaşadığı motivasiya azlığının qarşısını alacaq birinə ehtiyac duyacaqsınız. Bu iş üçün insanların hansı şəraitdə daha rahat və dolayısı ilə daha məhsuldar olduğunu bilən biri xüsusilə də sosial işçilər bu peşə üçün ideal namizəd olacaqlar.

Xəstəxanalarda xəstələrin və ya yaxınlarının problemlərini azaldacaq bir insan- Sağlıq naviqatoru. Tibb sistemilə bağlı məlumatları bir yerə toplayan və insanları ən doğru həkim, əczaçı, tibb bacısına yönəldən biri bu iş üçün ideal namizəd olacaq.

2030-cu ilə çatdıqda 65 yaşından yuxarı olan insan sayı bütün dövrlərdəkindən çox olacaq, yəni dünya getdikcə yaşlanır. Ölüm terapistləri sənəd işlərindən tutmuş ölümü asanlaşdıracaq yollara qədər hər mövzuda insanları məlumatlandıran, hüquqi və psixoloji yardım göstərən şəxslər olacaqlar. Sosial xidmətlər, tibb, təhsil, psixologiya sahəsində çalışanlara üstünlük veriləcək.

Oyunlaşdırma yaradıcıları insanlar üçün darıxdırıcı və çətin gələn fəaliyyətləri oyunlaşdıraraq, motivasiyanı yüksəltmək, psixoloji vəziyyəti yaxşılaşdırmaq, həvəsləndirmək üçün çalışan insanlar olacaqlar.

Yaxın gələcəkdə robotların insan həyatında yeri və rolu bir qədər də artacaq. Artıq robotlar evdə insanlara xidmət edəcək və müxtəlif işlərini görəcək. Robot məsləhətçiləri insanlara bu yöndə hansı ehtiyaca və ya işə uyğun robot lazım olduğuna qərar verəcəklər. Həmçinin, bu mütəxəssislər alıcılara müştəri xidmətləri göstərəcək və lazımi məsləhətlər verəcək.