Ana səhifə Toplum |
Axar.az uğurlu və xoşbəxt insanların çoxlarına bəsit görünən kiçik sirlərini təqdim edir.
1.Keçmiş
Keçmişi dəyişdirə bilməzsiniz, buna görə də keçmişə ilişib qalmayın. Səhvlərinizdən nəticə çıxarın və yalnız irəli baxın.
2. Nəzarət edə bilmədikləriniz
Ümumiyyətlə, müvəffəqiyyətli insanlar problemlərdən deyil, həllərdən danışır. Əgər hər hansı bir problem baş veribsə, həmin problemi düşünmək əvəzinə onu necə həll etməyin yollarını düşünün. Yox əgər baş verənlər sizin nəzarətinizdə deyilsə və dəyişdirə bilmirsinizsə onları öz axarına buraxın.
3. Digər insanların fikirləri
Başqa insanları dinləmək hər zaman lazımdır, lakin bu onların fikirlərinə görə hərəkət etməlisiniz demək deyil. Əgər davamlı olaraq ətrafdakıların nə düşünəcəyini fikirləşərək hərəkət etsəniz, bu sizdə daha çox narahatlıq yaradacaq.
4. Səbrsizlik
Səbrli olmaq kiçik, amma daha arxayın və diqqətli addımlamağınıza kömək edəcəkdir. Və bir şeyi qəbul etməlisiniz ki, hər hansı bir işdən ani və çox tez nəticə gözləmək əvəzinə səbrli olmalı və bəzi şeylərin baş verməsi üçün onun zamanını gözləməlisiniz
5. Şübhə
Müvəffəqiyyətli insanlar hər zaman özlərinə inanırlar. Buna görə də qarşılarına çıxan problemlərə də müsbət tərəfdən yanaşmağa çalışırlar. Və unutmayın ki, daim şübhə içində olmaq əvəzinə inamlı olmaq hər zaman qazandırır.
6. Lazımsız tapşırıqlar
Müvəffəqiyyətli insanlar "yox" deməyi bacaran insanlardır. Nəzərə almaq lazımdır ki, həmişə hər işin öhdəsindən gəlməyə çalışıb hamını razı salmaq mümkün deyil. Buna görə də sizin üçün vacib olan işlərə diqqət ayırın, digərlərinə isə "yox" deməkdən çəkinməyin.
7. Kiçik xəyal qırıqlıqları
Pis anlar keçib gedər, bəzi hadisələr sizi stressə də sala bilər, amma bütün bunların bütöv gününüzə təsir etməsinə icazə verməyin.
8. Qorxular
Bir neçə dəfə uğursuzluğa məruz qalmaq, başqaları tərəfindən mühakimə olunmaq və ya rədd cavabı almaq qorxusu ilə risk etmərik. Nəzərə alın ki, risk etmək həyatın bir hissəsidir və uğurlu insanlar qorxularına qalib gəlib risk edə bilən insanlardır.
Tarix
2014.06.25 / 09:04
|
Müəllif
Günel Bədəlova
|