14:00

Millət vəkilləri Fazil Mustafa və Qənirə Paşayeva Milli Məclisin bu gün keçirilən toplantısında əhaliyə verilən təbii qaz limitinin artırılması təklifi ilə çıxış ediblər.

Axar.az xəbər verir ki, Fazil Mustafa israfçılığın qarşısını almaq üçün limitin olmasını normal sayıb.

“Hazırda 1700 kubmetr limit qoyulub. Bu limitin qaldırılmasını təklif edirəm. Çünki həyət evlərində yaşayan, ödəniş imkanı aşağı olan insanlar o limitdən çox əziyyət çəkir, böyük problemlər yaşayırlar. Çox istərdim ki, müvafiq qurumlar bu məsələni nəzarətə götürsün və limit iki dəfə qaldırılsın".

Qənirə Paşayeva da Fazil Mustafanın təklifini dəstəkləyib və bildirib ki, özəlliklə kəndlərdə, bölgələrdə sakinlərlə görüşlərdə maddi imkanları aşağı olan insanlar təbii qaz limitinin artırılmasını xahiş edirlər. Millət vəkili deyib ki, əhalinin aztəminatlı, maddi imkanları aşağı olan hissəsinin təkliflərini nəzərə alaraq, əhaliyə verilən təbii qaz limitinin artırılması məsələsinə yaxın zamanlarda baxılması çox vacibdir.