Ağsu rayon prokuroru vəzifədən azad edilib.

Axar.az Publika.az-a istinadla xəbər verir ki, rayon prokuroru Elvin Mirzəyev işində yol verdiyi nöqsanlara görə Baş prokuror Zakir Qaralovun imzaladığı əmrlə sərəncama götürülüb.

Baş prokurorun digər əmri ilə Baş Prokurorluğun Fövqəladə Hallar Nazirliyi, Dövlət Təhlükəsizliyi və Dövlət Sərhəd xidmətlərinin istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin böyük prokurur-metodisti Namiq Muradov Ağsu rayon prokurorunun vəzifələrini icra edir.

Qeyd edək ki, N.Muradov daha əvvəl Qarabağ və Gəncə regionları üzrə hərbi prokuror vəzifəsini tutub və prokurorluq orqanlarında böyük təcrübəyə malikdir.