Bu gün Müvəkkil Hüquq Mərkəzinin Azərbaycan Respublikasının Prezidenti yanında QHT-lərə Dövlət Dəstəyi Şurasının yardımı ilə həyata keçirilən "Milli təhlükəsizlik və hərbi sirlərin qorunması üzrə təşəbbüslərin dəstəklənməsi" layihəsinin yekunlarına həsr olunan təqdimat mərasimi baş tutub.

Axar.az xəbər verir ki, tədbiri giriş sözü ilə açan təşkilatın sədri Səməd Vəkilov layihənin əsas məqsədi KİV-də və vətəndaşlar arasında milli təhlükəsizlik və hərbi sirlərin qorunması üzrə maarifləndirmə işinin təşkilindən ibarət olduğunu deyib. S.Vəkilovun sözlərinə görə, həyata keçirilən layihə çərçivəsində www.muvekkil.az saytında milli təhlükəsizlik və hərbi sirlərin qorunması ilə bağlı qanunvericilik bazası yaradılıb.

Eyni zamanda müxtəlif eksperlərin məqalələri toplanaraq bazaya yerləşdirilib.

Layihənin təqdimatından sonra mövzü ilə bağlı müzakirələr aparılıb.