Sabah Azərbaycanın bəzi yerlərində havanın temperaturu 41 dərəcəyədək yüksələcək.

Ekologiya və Təbii Sərvətlər Nazirliyinin Milli Hidrometeorologiya Departamentindən Axar.az-a verilən məlumata görə, avqustun 19-da Bakı və Abşeron yarımadasında hava şəraiti əsasən yağmursuz olacaq, lakin axşama doğru buludluluq artacaq. Cənub küləyi əsəcək.

Bakı və Abşeron yarımadasında havanın temperaturu gecə 23-27, gündüz 32-37 dərəcə isti olacaq.

Azərbaycanın rayonlarında hava əsasən yağmursuz olacaq, şərq küləyi əsəcək.

Aran rayonlarında havanın temperaturu gecə 21-26, gündüz 34-39, bəzi yerlərdə 41 dərəcəyə qalxacaq. Dağlarda gecə 15-20, gündüz 28-33 dərəcə isti proqnozlaşdırılır.