Cizgi filmləri uşaqların psixologiyasına ciddi təsir göstərən əsas amildir.

Bu sözləri psixoloq Tarıyel Faziloğlu cizgi filmlərin uşaq psixologiyasına təsirindən Axar.az-a danışarkən deyib. Psixoloqun sözlərinə görə, son 20 ildə hazırlanan cizgi filmlərin əsas mövzusu şiddət, zorakılıq və erotika olub:

"Adətən böyük dövlətlər uşaqlarda istədiyi təsiri yaratmaq üçün cizgi filmlərindən istifadə edirlər. Artıq dünyada baş verən aqressiyanın, o cümlədən, sürətli inkişafın yolu cizgi filmlərindən keçir. Cizgi filmləri uşaqların inkişafında ciddi təhlükədir. Buna görə də Azərbaycan dövləti bu məsələdə çox ciddi şəkildə təxirəsalınmaz tədbirlər görməli, kompleks layihələr hazırlamalıdır.

3-7 yaş arası müddətin uşaqların formalaşdığı dövrün olduğunu nəzərə alsaq, görərik ki, onların bütün gələcəyi, xarakteri bu dövrdə formalaşır. Bu yaşda uşaqların isə ən çox maraq göstərdiyi şey cizgi filmidir. Odur ki, azyaşlılarımıza izlətdiyimiz cizgi filmlərinə diqqət etməliyik".

Qeyd edək ki, dünya standartlarına uyğun hazırlanan istənilən cizgi filmində müəyyən fərqlənmə dərəcəsi ilə zorakılıq səhnələri də yer alır.