Salyanda piyadanın ölümü ilə nəticələnən yol-nəqliyyat hadisəsi baş verib

Axar.az xəbər verir ki,hadisə 22.00 radələrində Ələt-Astara magistralının 13-cü kilometrliyində, Salyan rayonunun Xıdırlı kəndi ərazisində baş verib.

Yolu keçən Xıdırlı kənd sakini, 1984-cü il təvəllüdlü Hüseynov Seymur Əmir oğlu naməlum avtomobil tərəfindən vuraraq hadisə yerindən qaçıb. Nəticədə piyada hadisə yerində ölüb.

APA-nın məlumatına görə, hazırda piyadanı vuran avtomobil sahibinin axtarışları davam etdirilir.

Faktla bağlı BDYPİ tərəfindən araşdırma aparılır.

Digər yol-nəqliyyat hadisəsi Bakıda baş verib. Piyada yol terrorunun qurbanı olub. Hadisə Məhəmmədi qəsəbəsində qeydə alınıb.

Eyni ailənin üç üzvü yolu keçmək istəyərkən Məhəmməd Xəlilovun idarə etdiyi "Niva" markalı avtomobil ailə başısı İlqam Abdıyevi vurub. Piyada aldığı xəsarətlərdən hadisə yerində dünyasını dəyişib.

Polis əməkdaşları hadisə yerində araşdırma aparıblar. İlkin məlumata görə, İlqam Abdıyev, həyat yoldaşı və qızı yolu keçərkən NİVA markalı avtomobil sürətlə onlara yaxınlaşıb. Həyat yoldaşı və qızı yolun kənarına çıxsa da, İlqam Abdıyev qaçaraq yolu keçməyə nail ola bilməyib. "Niva"nın sürücüsü isə idarəetməni itirib və nəticədə piyada vurulub.

Faktla bağlı araşdırmalar davam etdirilir.