LAYF Xeyriyyə İctimai Birliyi bu il Xocalı faciəsinin qurbanlarının xatirəsini qanvermə aksiyaları keçirməklə yad edəcək.

Axar.az xəbər verir ki, qan aksiyaları ilə həm faciə qurbanları yad edilmiş olacaq, həm də irsi qan xəstəliyindən əziyyət çəkən vətəndaşlarımız ehtiyac duyduqları qanla təmin edilmiş olacaqlar.

Qan aksiyalarının LAYF Xeyriyyə İctimai Birliyi, Azərbaycan Kikboksinq Federasiyası, "Qaraçay Holdinq"in təşkilatçılığı və Mərkəzi Qan Bankının tibbi dəstəyi ilə keçirilməsi nəzərdə tutulub. Xocalı faciəsinin anımı məqsədilə ilk qan aksiyası 20 Fevral 2016-cı il tarixində saat 10⁰⁰ -dan 16³⁰ -a qədər M.K.Atatürk prospekti 33 c ünvanında yerləşən Azərbaycan Kikboksinq Federasiyasının mərkəzində baş tutacaq. Anım gününə həsr edilmiş növbəti qan aksiyası isə 26 Fevral 2016-cı ildə saat 10 ⁰⁰ -dan 16 ³⁰ -a qədər "Qaraçay Holdinq"in Xudu Məmmədov 4c ünvanında yerləşən mərkəzi ofisində keçiriləcək. Qan aksiyalarında toplanılan qanların irsi qan xəstəliklərindən əziyyət çəkən vətəndaşlarımıza heç bir qarşılıq gözlənilmədən verilməsi nəzərdə tutulur.