10:02

Daşkəsəndə çağırışa gedən həkimə xəstə tərəfindən hücuma məruz qalıb.

Axar.az Unikal-a istinadla xəbər verir ki, hadisə rayonun Xoşbulaq kəndində qeydə alınıb.

Belə ki, çağırışa gedən Daşkəsən Rayon Təcili Təxirəsalınmaz Tibbi Yardım Stansiyasının həkimi 1991-ci il təvəllüdlü A.Abbaslıya xəstə tərəfindən bıçaqla xəsarət yetirilib.

Barmağından bıçaq xəsarəti alan həkimə yardım edilib, hazırda vəziyyətinin normal olduğu bildirilir.

İlkin məlumata görə, hadisəni törədən Xoşbulaq kənd sakini 1997-ci il təvəllüdlü Şahin Əliyev polis əməkdaşları tərəfindən tutulub. Onun Vətən müharibəsinin iştirakçısı olduğu bildirilir.

Faktla bağlı araşdırma aparılır.