Zaqatala-Bakı marşutu üzrə hərəkət edən avtobus qəzaya düşüb.

Axar.az APA-ya istinadən xəbər verir ki, hadisə gecə saatlarında Yevlax-Zaqatala-Gürcüstan sərhəd magistiral avtomobil yolunun Yevlax rayonu Xanabad kəndi ərazisindən keçən hissəsində baş verib.

Qəza nəticəsində avtobusda xəsarət alan 8 sərnişin Şəki Rayon Mərkəzi Xəstəxanasının (RMX) Təcili Tibbbi Yardım Şöbəsinə aparılıb.

Xəsarət alan şəxslər aşağıdakılardır:

- 1988-ci il təvəllüdlü, Zaqatala rayonu Bəhmətli kənd sakini Rəqsanə Şahmalı qızı Şirinbəyova,

- 1960-cı il təvəllüdlü, Zaqatala rayonu Yeni Suvagil kənd sakini Leysanat İbad qızı Məmmədova,

- Zaqatala rayonu Əliabad qəsəbə sakini Həlimə Ağabala qızı Adilova,

- 1967-ci il təvəllüdlü, Zaqatala rayon sakin Qüdrət Abdulla oğlu Əliyev,

- 2004-cü il təvəllüdlü Zaqatala rayonu Aşağı Tala kənd sakini Aysel Adil qızı Ramazanzadə,

- 1969-cu il təvəllüdlü Zaqatala rayonu Yeni Suvagil kənd sakini Kifayət Hüseyn qızı Babayeva,

- 1993-cü il təvəllüdlü Zaqatala rayonu Yeni Suvagil kənd sakini İlkin Yusif oğlu Babayev,

- 1983-cü il təvəllüdlü Zaqatala rayonu Yeni Suvagil kənd sakini Aygün Osman qızı Məmmədova.

Xəstəxanaya daxil olan şəxslərin hamısına lazımi ilkin tibbi yardım göstərilib, xəsarətləri yüngül olduğu üçün ambulator müalicə almaq şərti ilə evə buraxılıblar.

Faktla bağlı araşdırma aparılır.