14:30

Bakının Nəsimi rayonunun 28 May küçəsində güclü külək ağacı avtomobillərin üzərinə aşırıb.

Axar.az Report-a istinadən xəbər verir ki, hadisə nəticəsində hərəkətdə olan iki avtomobilə ziyan dəyib.

Xəsarət alan olmasa da, yolda avtomobillərin hərəkəti məhdudlaşıb.

Qeyd edək ki, bu gündən başlayan küləkli hava şəraiti mayın 17-dək davam edəcək.

***

Bakının Nəsimi rayonunun 28 May küçəsində güclü külək nəticəsində aşan ağac ərazidən götürülüb.

Bu barədə Yaşıllaşdırma Təsərrüfatı Birliyi məlumat yayıb.

Bildirilib ki, Birliyinin əməkdaşları hadisə yerinə gəlib və aşan ağacı ərazidən kəsərək götürüblər.

Artıq yol tam açılıb və hərəkət bərpa olunub.