Gözləntilərim bu il də özünü doğrultdu. Söhbət qondarma erməni soyqırımının ildönümü ərəfəsində qardaş Türkiyənin bəzi media qurumlarının, bir qədər də dəqiqləşdirsək, müxtəlif media mütəxəssislərinin də demokratik institut saydıqları televiziya kanallarının məsələni işıqlandırmasından gedir. Bəli, hədəfim yenə "CNN Türk"dür.

Artıq adət etmişəm və söz vermişəm ki, ermənilərin hay-haray saldıqları qondarma ölüm-itim günündə bir qayda olaraq sözügedən media qurumunun gündəlik proqramlarını izləyəm, Türkiyəyə demokratiya dərsi keçən, ermənilərin əlindən su içən "ziyalıların", "tarixçilərin" hayqırtılarına qulaq asam. İnandırım ki, bu bir günün əsəbi sonra mənə ən azı bir həfətəyə başa gəlir. Mavi ekrandan beynimin hər neqetativ hissəsinə sanki güllə kimi təsir edən bu lafları, bəli-bəli, məhz lafları eşitmək mənə ağrılı, üzücü və təsirlidi. Bu qədər yalanmı olar? Hətta emosiyalarımdan üz-üzə gəldiyim yaxınlarım, dostlarım, həmkarlarım da cana gəlirlər...

Dünən də eyni vəziyyəti müşahidə etdim. Axşam saatlarında çoxlarının yaxşı tanıdığı sunucu Şirin Payzinin qonağı qatı erməni sevdalısı, "tarixçi" Halil Berktay idi. İlahi, insanlar sanki bir anlığa Türkiyədən proqram yapdıqlarını unutmuşdular. Türkiyənin demokrasisindən, Anadolu türkcəsində desək, qardaş ölkənin imajından, Başbakanın qondarma erməni soqırımı ilə bağlı bəyanatından, bir əsrdən sonra dövlətin ən ali şəxsinin məsələyə bu cür yanaşmasından ağzıdolu danışdılar. Bəli, "danışdılar"!

Olduqca qorxulu, təhlükəli, illərdən sonra qardaş Türkiyəyə dəyəcək zərbələri qulaqardına vurmaqla. Bu "hesablamalara" digər verilişlərdə də rast gəlmək mümkün idi. Verilişlər o qədər birtərəfli və erməni dəyirmanına su tökəcək şəkildə hazırlnamışdı ki, məsələnin mahiyyətini bilməyən, ermənilərin xasiyyətindən hali olmayan, onların hansı məqsəd güddüyünü anlamayan istənilən şəxs həmin vaxt bu proqramlara baxsaydı, haylara yazığı gələr, bu xalqın doğurdan da məzlum, əzilən bir millət olduğunu düşünər, ötən əsrin əvvəlində verilmiş lənətlənən təhcir qərarını pisləyərdi.

Ən yadda qalan məqam isə Berktayın qətlə yetirilən Hrant Dinki əsl mücahid, erməni fədasi şəkilində təqdimatından sonra aparıcının reaksiyası idi. Payzin xanım bir anlığa efirdə olduğunu, veriliş apardığını, ona miyonlarla tamaşaçının baxdığını və peşəsinə, daşıdığı statusa uyğun olmayan qaydada kövrəlməyə, kədərlənməyə başladı. Maraqlı sual çıxır ortaya - görəsən, elə bu Payzin xanım Azərbaycanın əzəli torpaqlarında məhz həmin "məzlum" ermənilər tərəfindən qətlə yetirilən, işgəncələrə məruz qalan azərbyacanlılar üçün eyni hisslərlə ağlayar, kədərlənərdimi?

Bu fikirlərə görə bəzi media və balans üzrə "ekspertlərn" qınaq obyektinə də çevrilmək olar. Dəm vura bilərlər ki, nə danışırsan, bu, demokratiyadır, verilişlər belə olar, Payzın (lər) elə lap Larri Kinqin özüdür, məşhur Poznerdi (hərçənd o da Kremlin qorxusndan balans hisslərini itirib)...

İndi soruşuram, belə balansmı olar? Niyə erməni məsələsi "CNN Türk"ün efirinə daşınanda Türkiyənin hazırda tutduğu mövqeyinin səbəbləri əhatəli şəkildə təhli olunmur, araşdırılmır? "Sərhədlər açılsın" deyən "CNN Türk" niyə bir dəfə də olsun erməni məsələsində hörmət bəslədiyim, qatı millətçi, hazırda isə haqlı olaraq həbsə atılan Sevan Nişanyana tarixdən dərs keçən, ona layiq olduğu küncü göstərən Yusuf Halaçoğlunu efirə çağırmır? Lap elə bizim Akif müəllim Nağını efriə qoşmurlar? Budurmu balans? Budurmu jurnalist peşəsinə sadiqlik?

Baxın, kanalın aparıcıları və ekspertləri ağız-ağıza verib deyirlər ki, Türkiyənin erməni camaatı razı salınmalıdır. Başa düşmürəm, qardaş ölkənin azərbaycanlı camaatı yoxdurmu? Stalinin sürgünündən, rusun riyakar siyasətindən, erməni qəddarlığından qaçaraq Türkiyəyə pənah gətirən soydaşlarımızın hüquqlarını niyə gizlədir bu "CNN Türk"? Azərbaycanlıların ürəyi, heysiyyəti yoxdurmu? Onların da könlü alınıb, fikirləri dinləniləsi deyilmi? Baxın, bir anda nə qədər sual çıxdı ortaya... Bax, belə, əzizlərim, "balanslı" kanalın ermənipərəst aparıcısı və ekspetləri indi ağzıdolusu anons verirlər ki, bəs, sağ olsun cənab Ərdoğan, həyata keçirdiyi bir "ilkə" görə!..

Deməli, qabaqda bizi böyük imtahanlar gözləyir. Özümüzdən, media camiəmizdən, ziyalılarımızdan çox şey asılıdır. Əl-ələ verib, lap lazım gələrsə, kampaniya şəkilində "cnntürk"lərlə mübarizə aparmalyıq, məcbur etməliyik ki, bu dəfə azərbaycanlıların könlü alınsın. Bu, həm də dövlət büdcəsindən maliyyələşən yazılı və elektron medialarımızın vəzifəsidir.

Sonda isə bir məqamı diqqətə çatdırmaq istərdim: bu günlərdə Ukrayna hadisələrini izlərkən bu ölkədə yaşayan və kifayət qədər tanınan erməni jurnalistin münaqişə ilə bağlı fikirləri diqqətimi çəkdi. Köşə yazısında ukraynalı dostlarına müraciət edən erməni yazar rusların qarşısında duruş gətirə bilməməklərinin düsturuna aydınlıq gətirir. Adam aşkar şəkildə qatilliyi təbliğ və tərənnüm edir. Deyir ki, ukraynalıların məğlub olmasının kökündə adam öldürə bilməmələri dayanır. Və əlvə edir ki, "Ukraynlılar, hörmətli dostlarım, öldürməyi öyrənin, öldürməyi!"

İndi "CNN Türk"dən soruşmaq istərdim – siz bu peşəkar qatillərinmi könlünü alır, təəssübünü çəkirsiniz?