Ana səhifə Gündəm |
Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) mütəxəssisləri martın 3-də Cəbrayıl rayonunun Cocuq Mərcanlı kəndində gün ərzində beş evə baxış keçiriblər. Baxış zamanı 484 qəlpə, 1 ədəd 93 millimetrlik tank əleyhinə idarə olunmayan raket “PQ-7VM” aşkar edilib. Gün ərzində 35 min 520 kvadratmetr ərazi - 11 min kvadratmetr əl ilə, 11,4 kvadratmetr mexaniki üsulla və 13 min 120 kvadratmetr minaaxtaran itlərlə yoxlanılıb.
Agentlikdən Axar.az-a bildiriblər ki, 28 gün ərzində Cəbrayıl rayonunun Cocuq Mərcanlı kəndində 118 evə və yeni avtomobil yolunun keçəcəyi əraziyə baxış olub. On partlamamış hərbi sursat (3 ədəd 82 millimetrlik “OF-832”, 2 ədəd 120 millimetrlik minaatan mərmisi “OF-843”, 2 ədəd 93 millimetrlik tank əleyhinə idarə olunmayan raket (1 ədəd “PQ-7VL” və 1 ədəd “PQ-7VM”), 1 ədəd “PQ-7” raketinin partlamamış mühərrik hissəsi, 1 ədəd “F-1” əl qumbarası, 1 ədəd 100 millimetrlik “OF-412” top mərmisi), 3 piyada əleyhinə “OZM-72” minası və 28 tank əleyhinə mina (4 tank əleyhinə “TM-57” minası və 24 “TM-57” tank əleyhinə minanın partladıcısı “MVZ-57”) aşkar olunaraq zərərsizləşdirilib. Ümumilikdə, 840 min 944 kvadratmetr ərazi - 392,2 min kvadratmetr əl ilə, 207 min kvadratmetr mexaniki üsulla, 113 min kvadratmetr “Sensys” dərinlik ölçən cihazı və 128 min 942 kvadratmetr minaaxtaran itlərlə yoxlanılıb.
Ərazinin mina və partlamamış hərbi sursatlardan təmizlənməsi əməliyyatı davam etdirilir.
Tarix
2017.03.03 / 20:27
|
Müəllif
Axar.az
|