Dünən Almaniyanın Nürnberq şəhərində Azərbaycan Cümhuriyyətinin 96-cı il dönümü ilə bağlı yürüş keçirilib.

Axar.az-ın verdiyi xəbərə görə, yürüşün təşkilatçıları Almaniyada yaşayan həmyerlilərimiz olub.

Almaniya saatı ilə 18:00-da Lorenz Kirçe meydanında başlayan yürüş 19:00-da Houpmarkt meydanında sona çatıb.

Aksiya iştirakçıları əllərində bayraqlar və yazılı plakatlar tutublar. Yürüş Azərbaycan himninin oxunması ilə başlayıb. Aksiya paralel-müqayisəli şəkildə təşkil olunub. Azərbaycan Xalq Cümhuriyyətinin təxminən bir əsr əvvəl hansı demokratik prinsiplər əsasında qurulduğu, fəaliyyət göstərdiyi və hazırda Azərbaycanın müstəqil bir dövlət kimi mövcud olmasından danışılıb. İştirakçılar yürüş boyu almanca şüarlar səsləndiriblər.