İŞİD-in diri-diri yandırdığı iordaniyalı pilotun xanımı edam videosuna baxmayıb.

Axar.az xəbər verir ki, Muaz əl-Qəsasibənin həyat yoldaşı "İndependent" qəzetinə danışıb. Ənşar Taravneh deyib ki, ərinin ölkəsinə qayıdacağına ümidli imiş: "Elə bilirdim ki, geri dönəcək".

Pilotin xanımı bildirib ki, ölüm xəbərini eşidəndə inanmayıb. Daha sonra Feysbuk səhifəsinə daxil olanda edam fotosunu görüb və ürəyi gedib. Xəstəxanaya çatdırılan Taravneh radikallara qarşı etirazlarda iştirak edib.

"İslam dövləti" müsəlman olmayanlara qırmızı kəfən geyindirib edam edir. Təşkilat bununla Amerikanın Quantanamo həbsxanasına işarə vurur. Çünki terrorçular bu məhbəsdə qırmızı rəngli dustaq geyimində saxlanılırdı. İŞİD lideri əl-Bağdadi də bu həbsxanada olub.