Yuxarı

Ermənilərin Ağdərə təklifi: Bakı nə qərar verəcək?

Ana səhifə Gündəm
12 Punto 14 Punto 16 Punto 18 Punto

Ermənistanın Vardenis-Ağdərə yolundan istifadə etmək üçün Azərbaycanla danışıqlar aparacağı gözlənilən idi. Çünki Vardenis-Ağdərə yolunun Azərbaycanın nəzarətinə keçməsi Ermənistana gedib-gələn ermənilərin 50 km-lik yolunu 500 km-ə qədər uzadıb.

Bu sözləri Axar.az-a beynəlxalq hüquq üzrə professor Fərhad Mehdiyev Ermənistan hökumətinin Vardenis-Ağdərə yolundan istifadə etmək üçün Moskvanın vasitəçiliyi ilə Azərbaycanla danışıqlar aparması haqda yayılan xəbərləri şərh edərkən deyib.

O bildirib ki, Ermənistanın Vardenis-Ağdərə yolundan istifadə etməsinə icazə vermək heç də sadə bir məsələ deyil:

“Azərbaycan hökuməti 10 noyabr və 11 yanvar bəyanatında Ermənistan hökuməti üçün Vardenis-Ağdərə yolundan istifadəyə dair öhdəlik götürməyib. Yəni rəsmi Bakı İrəvanın bu tələbinə razılıq verməyə bilər. Bu qərar verilsə belə, yüz ölçülüb, bir biçilərək verilməlidir. Hesablamalıyıq ki, bu, ölkə maraqlarımıza uyğundurmu?

Son günlər sosial şəbəkələrdə Qarabağın hələlik rus sülhməramlıların nəzarətində olan hissəsində yaşayan Azərbaycanın erməni əsilli vətəndaşlarının Ermənistandakı qohum-əqrəbalarını ziyarət etmək üçün Vardenis-Ağdərə yolundan istifadə etmək istədiklərini, hətta bunun üçün etiraz aksiyası belə keçirdiklərini əks etdirən videolar yayılır. Aydın məsələdir ki, onlar Laçın dəhlizi ilə Ermənistana getmək üçün 500 km məsafə qət etməli olurlar. Halbuki əvvələr Vardenis-Ağdərə yolundan istifadə edərək, 50 km məsafə ilə gedə bilirdilər.

Dediyim kimi, Azərbaycan üzərinə belə bir öhdəlik götürməyib. Mahiyyət etibarilə Qarabağda yaşayan ermənilərin Ermənistanda yaşayan qohum-əqrəbaları ilə gediş-gəlişinin təmin edilməsi üçün Laçın dəhlizi 10 noyabr bəyanatında nəzərdə tutulub”.

Ekspert bildirib ki, Ermənistan hökuməti Vardenis-Ağdərə yolundan istifadə etmək istəyirsə, bunun üçün ilk növbədə kompromisə getməlidir:

“Birincisi, rəsmi İrəvan Azərbaycanın ərazi bütövlüyünü tanımalıdır. Nəzərə almaq lazımdır ki, Ermənistan hələ də Qarabağı Azərbaycanın bir parçası olaraq tanımır. Bu reallıq altında Vardenis-Ağdərə yolundan istifadəyə icazə verilməsi nə dərəcədə doğru olar?

İkincisi, Ermənistan Vardenis-Ağdərə yolundan istifadə etmək istəyirsə, anlamalıdır ki, bu, heç də Laçın dəhlizi kimi olmayacaq. Yəni yola, sərhəd məntəqələrinə nəzarət Azərbaycan sərhəd qoşunlarının və daxili xidmət orqanlarının nəzarətində olmalıdır.

Üçüncüsü, Ermənistan hökuməti Vardenis-Ağdərə yolundan istifadə etmək istəyirsə, əvvəla, özü Kəlbəcərə gediş-gəliş üçün Ağdərə-Xankəndi üzərindən Azərbaycanın keçidini təmin etməlidir. Bu ərazilər hazırda rus sülhməramlıların nəzarətindədir. Lakin Ermənistan da bu məsələdə kompromisə getməlidir. Düşünürəm, böyük ehtimalla ermənilər bu təklifi rəsmi Bakıya ediblər.

Dördüncüsü, Ermənistan 10 noyabr və 11 yanvar bəyanatında nəzərdə tutulan Mehri dəhlizi ilə bağlı məsələnin icrasını sürətləndirməli, tərəflərə problem yaratmamalıdır.

Bir şeyi nəzərə almaq lazımdır ki, 44 günlük müharibənin qalibi Azərbaycandır. Məğlub tərəf qalibdən nəsə istəyirsə, bunun müqabilində istəyi həcmində, hətta artıq nəsə təklif etməlidir”.

Tarix
2021.01.26 / 22:17
Müəllif
Turan Rzayev
Şərhlər
Digər xəbərlər

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla