Maliyyə Nazirliyi dövlət büdcəsi vəsaitlərinin daha səmərəli idarə olunması məqsədilə vahid xəzinə hesabının milli valyutada olan sərbəst qalığının yerli banklarda depozitə yerləşdirilməsi üçün növbəti dəfə depozit hərracı təşkil edib.

Bu barədə Axar.az-a nazirlikdən bildirilib.

Hərracın nəticələrinə əsasən, vahid xəzinə hesabının 500 milyon manat sərbəst qalığı kapitallaşma və aktivlərinin məbləği səviyyəsinə görə ölkənin ən iri beş bankında 30 gün müddətinə, 6,74% orta çəkili faiz dərəcəsi ilə depozitə yerləşdirilib.

Qeyd edək ki, Maliyyə Nazirliyi 11 apreldə ilk dəfə 1 milyard manatı 3 aylıq 7,21%-ə yerli banklara depozitə qoymuşdu. Daha sonra isə 24 apreldə 500 milyon manat, bu dəfə 7,04%-ə 32 günlük depozitə yerləşdirmişdi.