İran Zəngəzur dəhlizindən Böyük Turan planının bir hissəsi olduğuna inandığı üçün qorxur.

Axar.az Teleqraf-a istinadla xəbər verir ki, bu barədə “Past” qəzeti (Ermənistan) yazır.

“İran Böyük Turan planının bir hissəsi olduğu üçün Zəngəzur dəhlizinin əleyhinə olduğunu açıq şəkildə bəyan edir. Həmçinin Tehran ondan çəkinir ki, Zəngəzur dəhlizinin açılması ilə “İran Azərbaycanı” (Güney Azərbaycan) İrandan ayrılaraq Türkiyə-Azərbaycan tandeminə qoşula bilər”, - mənbə bildirir.

Ermənistan Baş naziri Nikol Paşinyanın məsələ ilə bağlı mövqeyinə gəlincə, nəşr iddia edir ki, o və komandası nəyin bahasına olur-olsun, bu və digər planlarını həyata keçirməkdə maraqlıdır.

Qəzet N.Paşinyanın məqsədinin Ermənistanı Rusiya və İrandan uzaqlaşdırmaq olduğunu da qeyd edir.