Bakıda qeyri-adi hadisə yaşanıb. 39 yaşlı qadın 9 ay boyunca hamiləliyindən xəbərsiz olub. Qadın tamamlilə başqa bir narahatlığından dolayı həkimə müraciət etdikdə isə hamiləliyi üzə çıxıb və dərhal doğuşa qəbul olunub.

Xəzər xəbər-in məlumatına görə, tənginəfəs olduğu üçün həkimə getdi, qucağında uşaqla qayıtdı. Nailə Ramazanova hamilə olduğunu 9 ay sonra bilib. Nəfəs darlığı şikayəti ilə həkimə müraciət etdikdə əsl səbəb ortaya çıxıb və xəstə dərhal keysəriyyə əməliyyatına alınıb. Sürpriz uşaq bütün ailənin sevincinə səbəb olub.

Xəstəni əməliyyat edən Natiq Məhərrəmov qeyd edir ki, qadın 9 ay boyunca həkim müayinəsindən keçməsə də bu, hamiləliyin gedişatına mənfi təsir etməyib.

Ana 2 səbəbdən hamiləliyindən bixəbər olub. Belə ki, Nailə xanım daha əvvəl ginekoloji problem yaşadığından problemin davam etdiyini düşünüb, eyni zamanda, çəkisi onun hamiləliyini gizlədib.

9 ay müddətində varlığından heç kəsin xəbəri olmasa da, hazırda ananın da, körpənin də vəziyyəti yaxşıdır.