Ana səhifə Hadisə |
Azərbaycan Dillər Universitetinin (ADU) nümayəndə heyəti — şöbə müdiri Sərraf Hüseynov və Konfutsi İnstitutunun direktoru Rafiq Abbasov Çinin Hunan əyalətinin - Çanşa şəhərinin inzibati mərkəzində Çin dilinin tədrisi ilə bağlı keçirilən beynəlxalq konfransda iştirak edib.
Kult.az xəbər verir ki, konfrans Çin Təhsil Nazirliyinin Xaricdə Çin dilinin yayılması üzrə Dövlət Dəftərxanası tərəfindən təşkil edilib. Tədbirdə 160-dan çox ölkədən 1000-dən çox Çin və xarici nümayəndə, həmçinin, Çin dili müəllimləri Ümumdünya Assosiasiyasının rəhbərliyi yer alıb.
Konfransın açılış mərasimində çıxış edən Çin Dövlət Şurasının Baş nazirinin müavini xanım Sun Çunlan, təhsil nazirinin müavini Tin Syuedyun “Bir kəmər-bir yol” layihəsinin həyata keçirilməsində iştirakçı ölkələrin sivilizasiyalararası mübadiləsi çərçivəsində Çin dili və mədəniyyətinin yayılmasında Konfutsi İnstitutlarının mühüm rol oynadığını qeyd ediblər.
“Çin və xarici ölkələr arasında mədəni mübadilə” seksiyasının iclasında iştirak edən ADU Konfutsi İnstitutunun direktoru Rafiq Abbasov “Bir kəmər, bir yol” qlobal Çin layihəsinin həyata keçirilməsi sahəsində aparılan tədqiqatlarda ADU Konfutsi İnstitutunun elmi və təhsil fəaliyyətindən danışıb.
Tarix
2019.12.13 / 16:41
|
Müəllif
Kult.az
|