Türkiyə Mərkəzi Bankı 500, 1000 və 2000 lirə nominalında yeni əsginasların, həmçinin 2,5, 5 və 10 türk lirəsi nominalında yeni sikkələrin dövriyyəyə buraxılmasına icazə verib.

Axar.az xəbər verir ki, bu barədə “Karar.com” məlumat yayıb.

“Xırda sikkələrin dövriyyədən çıxarılmasının mümkünlüyü nəzərdən keçirilir. Ən kiçik sikkə 1 lirə olaraq qalacaq. Yeni əsginasların milli valyutanın möhkəmlənməsi və iqtisadiyyatı yaxşılaşdıracağı gözlənilir”, - məlumatda deyilir.

Qeyd edək ki, Türkiyə Mərkəzi Bankı yeni əsginaslar üzərində işləyirdi. Yeni əsginasların rənginin mavi-firuzəyi olduğu bildirilsə də, dizayn və xüsusiyyətləri ilə bağlı rəsmi açıqlama verilməyib.

Xatırladaq ki, indiyə qədər Türkiyədə ən böyük əsginaz 200 lirəlikdir.