Keçən il Meksikada vəfat edən ispandilli yazar Qabriel Qarsia Markesin külü ölkəsinə göndəriləcək.

Axar.az xəbər verir ki, Bolivar əyalətinin səlahiyyətliləri Nobel mükafatlı yazarın ailəsi ilə razılaşdıqlarını, Markesin külünün bundan sonra yazıçılıq karyerasına başladığı Kolumbiyanın Kartaxena şəhərindəki bir monastırda qorunub saxlanacağını açıqlayıblar.

Xatırladaq ki, "Yüz ilin tənhalığı", "Patriarxın payızı", "Gözlənilən bir qətlin tarixçəsi", "Polkovnikə məktub yoxdur", "Mənim hüznlü fahişələrim" kimi unudulmaz əsərlərin müəllifi olan Markes keçən il aprelin 17-də Meksikanın paytaxtı Mexiko şəhərində 87 yaşında vəfat edib. Markes Migel de Servantesdən sonra ən önəmli ispandilli yazar hesab olunur. Yazar 1982-ci ildə Nobel mükafatına layiq görülüb.