İsveçli fəal Qreta Tunberq və Sumud donanmasının 170 digər fəalı İsraildən Yunanıstan və Slovakiyaya deportasiya edilib.

Axar.az xəbər verir ki, bu barədə İsrail Xarici İşlər Nazirliyi məlumat yayıb.

Qeyd olunub ki, deportasiya edilənlər Yunanıstan, İtaliya, Fransa, İrlandiya, İsveç, Polşa, Almaniya, Bolqarıstan, Litva, Avstriya, Lüksemburq, Finlandiya, Danimarka, Slovakiya, İsveçrə, Norveç, Böyük Britaniya, Serbiya və ABŞ vətəndaşlarıdır.

Qeyd edək ki, 37 ölkədən onlarla fəalın iştirakı ilə 21 gəmidən ibarət Sumud donanması avqustun sonunda Barselona limanından Qəzzaya doğru yola çıxıb. İsrail Hərbi Dəniz Qüvvələri donanmanı oktyabrın 1-də Qəzza zolağından 130-150 kilometr aralıda saxlayıb və fəalları girov götürüb.