Ukraynanın Avropa Birliyinə qəbul edilməsi barədə qərar yalnız ittifaqın bütün üzvləri tərəfindən yekdilliklə qəbul edilə bilər və Macarıstan belə bir addımın əleyhinədir.

Axar.az xəbər verir ki, bunu Macarıstanın xarici işlər naziri Peter Siyarto Vladimir Zelenskinin Budapeştin mövqeyinə baxmayaraq, Kiyevin AB-yə inteqrasiya edəcəyi ilə bağlı açıqlamasına cavab olaraq deyib.

"Hansı ölkənin Avropa Birliyinə daxil olmağa hazır olduğu və hansı ölkənin AB-yə daxil ola biləcəyi ilə bağlı qərarı Ukrayna prezidenti deyil, Avropa Birliyinin özü verəcək. Macar xalqı artıq öz seçimini edib və biz Brüsseldə macar xalqının iradəsini təmsil edirik”, - deyə nazir bildirib.