Türkiyədə daha 43 nəfər qidadan zəhərlənib.

Axar.az xəbər verir ki, bu barədə ölkə mətbuatında məlumat yayılıb.

Belə ki, Sakarya vilayətində qızlar yataqxanasında yaşayan 23 tələbə küçədə yedikləri qidadan sonra özlərini pis hiss ediblər. Onların toyuq dönərindən zəhərləndiyi ehtimal edilir. Onlar xəstəxanaya aparılıblar.

Analoji vəziyyət Bursada da baş verib. Orta məktəblərin birində verilən nahardan sonra 60 şagird və işçinin halı pisləşib. Onlardan 20-si zəhərlənmə diaqnozu ilə xəstəxanaya yerləşdiriliblər.

Qeyd edək ki, bir neçə gün öncə Kocaeli, Rizə, Sakarya və Adıyaman bölgələrində də ümumilikdə 255 nəfər qidadan zəhərlənmişdi.