Bir çox Avropa ölkəsinin liderləri ABŞ-ın sülh planı haqqında yalnız Qərb mediasının onun məzmununu dərc etməsindən sonra məlumat əldə ediblər.

Axar.az xəbər verir ki, bu barədə “Nyu York Tayms” qəzeti məlumat yayıb.

Anonimlik şərti ilə danışan on altı rəsmi şəxs nəşrə bildirib ki, bir çox Avropa lideri ABŞ-ın sülh planı haqqında mediadan məlumat əldə edib.

Onların sözlərinə görə, Almaniya kansleri Fridrix Mertz həm sülh planının məzmunundan, həm də bu barədə necə məlumat əldə etməsindən heyrətlənib.

Bildirilir ki, Avropa rəsmiləri Tramp administrasiyasının sənəd hazırladığını bilirdilər, lakin bu qədər Rusiyapərəst olacağını təsəvvür edə bilmirdilər.