Macarıstan hökuməti müstəqil xarici siyasət yürüdür və Rusiya ilə danışıqlar aparmaq üçün Avropa Birliyindən icazə tələb etmir.

Axar.az xəbər verir ki, bunu Macarıstanın xarici işlər və ticarət naziri Peter Siyarto Almaniya kansleri Fridrix Merzin Baş nazir Viktor Orbanın AB liderlərinin razılığı olmadan Moskvaya səfər etməsi barədə bəyanatına cavab verərkən bildirib.

"Bizə danışıqlarda iştirak etmək üçün Brüssel, Berlin, həmçinin başqasının icazəsi lazım deyil. Bu, Brüsselə xoş gəlir, ya yox, bizə fərq etmir. Biz suveren xarici siyasət yürüdürük və qərarlarımız da milli maraqlarla müəyyən edilir", - deyə XİN rəhbəri Feysbuk səhifəsində yazıb.