ABŞ Prezidentinin xüsusi nümayəndəsi Stiv Uitkoff və kürəkəni Cared Kuşner restoranların birində nahara 25 min rubl (557 manat) xərcləyiblər.

Axar.az xəbər verir ki, bu barədə RİA Novosti məlumat yayıb.

Belə ki, Kremldəki görüşdən əvvəl Uitkoff və Kuşner Kirill Dmitriyevin müşayiəti ilə Moskvada gəzintiyə çıxıb və Qırmızı Meydan yaxınlığındakı restoranda nahar ediblər.

Menyuya əsasən, salatlar təxminən 3500 rubl, isti yeməklər 1500 ilə 7500 rubl arasında, desertlər isə təxminən 2700 rubla başa gəlib. İçkisiz naharın ümumi dəyəri ən azı 25500 rubl olub.

Ənənəyə uyğun olaraq, Uitkoff Kreml danışıqlarından əvvəl Rusiya paytaxtında gəzintiyə çıxır.

Qeyd edək ki, Amerika nümayəndə heyəti hazırda Moskvada Rusiya Prezidenti Vladimir Putinlə danışıqlar aparıb.