ABŞ Ukrayna və Rusiyaya müharibəni yaya qədər bitirmək üçün təzyiq edir. Bununla belə, bu son tarix prinsipial olaraq yeni bir şey deyil, çünki Tramp administrasiyası artıq oxşar tələblər irəli sürüb, lakin sonda heç bir nəticə olmayıb.

Axar.az xəbər verir ki, bu barədə "NBC Nyus" məlumat yayıb.

Qeyd olunub ki, vəzifəyə başlayandan bəri Donald Tramp beynəlxalq münaqişələrə son qoymaq səylərində dəfələrlə son tarixlərdən əsas alət kimi istifadə edib:

"Məsələn, o, HƏMAS-ın Qəzzada ABŞ-ın dəstəklədiyi sülh təkliflərinə cavab verməsi üçün son tarix qoyub və yeni nüvə sazişi üçün İrana iki aylıq möhlət verib. O, Rusiya-Ukrayna müharibəsi üçün bir neçə potensial son tarix müəyyən edib. Hətta prezidentliyinin ilk həftələrində Trampın komandası Ukraynada müharibəni 24 saat ərzində bitirmək barədə ilkin absurd kampaniya vədini bir kənara qoyub, Trampın andiçmə mərasimindən sonra 100 gün ərzində – 2025-ci ilin mayına qədər sülh sazişindən danışıb".

Bildirilib ki, Ukrayna və Rusiya açıq-aydın Trampın son tarixlərini ardıcıl olaraq görməzdən gəlir.