Təhlükəsizlik sahəsində əməkdaşlıqla bağlı yeni addımlar barədə razılaşdıq. Bu, ilk növbədə Türkiyəyə dəstək verə biləcəyimiz sahələri əhatə edir: ekspertiza, texnologiyalar, təcrübə və s. Birgə işləmək üçün prinsipial siyasi iradə mövcuddur və komandalarımız yaxın günlərdə detalları yekunlaşdıracaq.

Axar.az xəbər verir ki, bunu Ukrayna Prezidenti Vladimir Zelenski videomüraciətində türkiyəli həmkarı Rəcəb Tayyib Ərdoğanla görüşünün nəticəsi barədə danışarkən deyib.

Zelenskinin sözlərinə görə, görüş zamanı qaz yataqlarının birgə işlənməsi imkanları müzakirə edilib.

Ukrayna prezidenti bildirib ki, görüşdə Ukrayna ilə Türkiyənin ikitərəfli münasibətləri, Avropa və Yaxın Şərqdəki vəziyyət də müzakirə olunub.

Qeyd edək ki, Ərdoğan və Zelenski İstanbulda görüşüb.