Qeyri-müəyyən atəşkəsə getməklə İran həssas taktiki üstünlüyünü əldən verdi. Demək olar ki, Trampın “İranın infrastrukturunu dağıdacam” vədləri öz təsirini göstərdi. Lakin ABŞ sadəcə olaraq İranı növbəti dəfə aldadır. Bunun ən açıq göstərisi də İsrailin Livanda apardığı əməliyyatları dayandırmamasıdır; çünki dayandırsa, Hizbullah öz mövqelərinə geri qayıdacaq, halbuki İsrailin Livan müharibəsindən demək ki, çəkilmək fikri yoxdur, yəni atəşkəsə də hazırlaşmır.

Axar.az xəbər verir ki, bu sözləri beynəlxalq hüquq üzrə professor Fərhad Mehdiyev deyib.

O xatırladıb ki, bunu anlayan Pakistanın müdafiə naziri Xavaca Asif İsraili “şeytan” və “insanlığın lənəti” adlandırdı (İsrailin reaksiyasından və bunun vasitəçilik edən ölkənin bitərəf mövqeyinə zidd olmasını elan etməsindən sonra X.Asif statusu silmişdi - red.).

“ABŞ-dən İsrailə hər gün “C-5M Galaxy” ağır hərbi nəqliyyat təyyarələri gəlir və onlar Dəmir Qübbənin yararsız hala salınmış hissələrini təmir edir və silah gətirir. Bu deməkdir ki, İran artıq İsrailə təsirli zərbələr endirə bilməyəcək, İranın əldən verdiyi taktiki uğuru məhz budur. Bölgəyə yeni təyyarə daşıyıcılarının gəlməsi, ABŞ-ən öz hərbi bazalarını təmir etməsi kimi hallar da var.

İranın bu addımı da - atəşkəsə razılaşması - onun raket atma potensialının zəifləməsi kimi də qiymətlənidirilə bilər. Çünki onlar da nəyi əldən verdiklərini hər halda anlayırlar.

Ümumiyyətlə, Pakistandakı danışıqlar "keyfiyyətsiz" danışıqlar prosesidir. Belə ki, bu qəbildən vasitəçillik səylərinin etibarlı olması üçün vasitəçilər arasında ən azından Çin olmalı, ayrıca tərəflər lap əvvəldən “təcavüz etməmək haqda” saziş (non-aggression clause) imzalamalıdır, yəni hərbi əməliyyatları durdurulması ilə bağlı ilkin razılaşmanı. Heç birisi olmadı”, - professor əlavə edib.