Türkiyə Avropanın təhlükəsizliyində böyük rol oynayır.

Axar.az xəbər verir ki, bu sözləri Çinin paytaxtı Pekində keçirilən “Bir qurşaq – bir yol” forumuna qatılan Macarıstanın Baş naziri Viktor Orban jurnalistlərə açıqlamasında deyib.

"Prezident Rəcəb Tayyib Ərdoğana hər zaman hörmət edirik. Türkiyə qeyri-qanuni miqrasiyanın qarşısını alaraq öz daxili sabitliyini qorumaqla yanaşı, Avropa və Macarıstanın təhlükəsizliyində böyük rol oynayır. Türk-macar münasibətlərinin mükəmməl olması Macarıstan milli təhlükəsizliyinin bir hissəsidir”, - deyə o bildirib.

Qeyd edək ki, Orban AŞPA-nın Türkiyə üzərində siyasi nəzarətin bərpa edilməsi barədə 24 apreldə qəbul etdiyi qərara qarşı da çıxmış, Ərdoğanın sabit türk siyasi həyatını formalaşdırmağını dəstəklədiyini bildirmişdi. “Türkiyədə tamamilə sabitlik yarada bilənləri dəstəkləməliyik. Əks halda, bütün regionda fəlakət başlayar və Avropa üzərində təzyiq dözülməz olar”, - deyə qeyd etmişdi.