Ana səhifə Planet |
ASO-nun xüsusi təyinatlı qüvvələrinin – Həmzə briqadasının komandiri Seyfəddin Polad Menbiç əməliyyatına hazırlıq barədə danışıb.
Axar.az xəbər verir ki, Polad əməliyyat öncəsi şəhərdəki bütün xəndək və tunellərin yerinin müəyyən edildiyini açıqlayıb.
“Əmrimdəki 4 min 500 əsgərin hamısı xüsusi təlim keçib. Mümkün Menbiç əməliyyatına hazırıq. Terror qruplaşmasının bütün əks həmlələrinə qarşı hazırlıqlarımızı tamamlamışıq. Harada xəndək qazdıqlarını, harada tunellər inşa etdiklərini tək-tək müəyyən etdik. Əməliyyat zamanı terrorçuların qaça biləcəkləri marşrutlara qədər bütün detalları nəzərdən keçirmişik”, - Polad bildirib.
Əməliyyata başlamaq üçün Türkiyədən əmr gözlədiklərini bildirən Polad 6 min nəfər arasından seçdikləri 20 nəfərlik xüsusi dəstədən də bəhs edib.
“Xüsusi yaradılan dəstə 3 ay təlim keçib. Bu dəstə xüsusən terror qruplaşması ilə qaynar təmasda yer alacaq. Bina və xəndəklərdə gizlənən terrorçulara qarşı ilk zərbəni 20 nəfərdən ibarət “Qartallar” vuracaq”.
Tarix
2019.04.25 / 11:59
|
Müəllif
Orxan Tağıyev
|