Rusiyanın Avropa Birliyindəki daimi nümayəndəsi Vladimir Çijov NATO-nun şərqə doğru genişlənməyəcəyi ilə bağlı verdiyi vədə inanmaqda yanıldıqlarını etiraf edib.

Axar.az xəbər verir ki, Qərb liderlərinin Sovet İttifaqı dağıldıqdan sonra NATO-nun şərqə doğru genişlənməyəcəyi ilə bağlı şifahi öhdəlik götürdüyünü, lakin bu vədə xilaf çıxdığını deyib:

"Bu, yeni nəsil rus liderləri üçün dərs oldu ..."

Rusiyanın başçılığı ilə yaradılan Avrasiya İqtisadi Birliyi ilə AB arasında sərbəst ticarət razılaşmasının mümkün olduğunu deyən diplomat ölkəsinin heç vaxt Avropaya arxa çevirmədiyini bildirib:

"Rusiya AB ilə strateji ortaqlığı rədd etmir. Rusiya və AB ortaq maraqların olduğu bir çox sahədə əməkdaşlığı inkişaf etdirə bilər. Hadisələrin mövcud inkişafına baxmayaraq, AB və Rusiya arasında strateji tərəfdaşlıq ola biləcəyinə inanıram. Bizi hər zaman coğrafi yaxınlıq, dil, din və ortaq təhlükəsizlik məsuliyyəti birləşdirə bilər".