Almaniya hökuməti terror təşkilatlarının düşərgəsinə qatılmaq üçün xaricə getmək istəyən şəxsləri əhatə edən qanun layihəsi hazırlayır.

Axar.az xəbər verir ki, ölkənin Ədliyyə naziri Heiko Mass verdiyi açıqlamada qanunun terror düşərgələrinə qatılmaq istəyənlərin gələcəkdə cəzalandırılmasını tənzimləyəcəyini deyib:

"Radikal insanların təlim düşərgələrində daha da radikallaşmasına qarşı əhəmiyyətli bir addım atmaq məcburiyyətindəyik".

Yeni qanuna görə, terror qruplarına qoşulmaq üçün ölkəni tərk etmək istəyən vətəndaşlar uçuşdan məhrum olacaq və bir də ölkədən çıxması qadağan ediləcək.

Almaniya Daxili İşlər naziri Tomas de Mezier indiyədək təxminən 600 Almaniya vətəndaşının İŞİD-ə qatılmaq üçün Suriya və İraqa getdiyini bildirib.

Xatırladaq ki, belə bir qanunun İngiltərədə də qəbul edilməsi gözlənilir.