Təhkükəsizlik baxımından güvənli olmadığı bildirilən "Tik Tok" proqramı dünyada ən çox yüklənən proqramlar arasında beşliyə daxil olub.

Axar.az xəbər verir ki, "Sensor Tover" (Sensor Tower) şirkətinin apardığı araşdırmaya görə, "Tik Tok" Feysbuk şirkətinin proqramları (Votsap, Messenger, İnstaqram, Feysbuk) ilə birlikdə ilk beşliyə daxil olub.

2018-ci ildə ən çox yüklənən proqramlar arasında 4-cü sırada olan "Tik Tok" 2019-cu ildə 2 pillə irəliləyərək, Votsapdan sonra ikinci sırada qərarlaşıb.

Ötən il 711 milyon dəfə yüklənən "Tik Tok" istifadəyə verildiyi gündən bu yana 250 milyon dollara yaxın gəlir əldə edib. Bu gəlirin 71 faizi isə 2019-cu ildə qazanılıb.

Qeyd edək ki, ABŞ "Tik Tok"u təhlükəsizlik baxımından güvənli hesab etmədiyi üçün donanmada istifadəsini qadağan etmişdi.