Yunanıstan hökuməti və beynəlxalq kreditorlar arasında razılaşdırılan yeni xilas paketinin detalları məlum olub.

Axar.az xəbər verir ki, razılaşmanın əsas şərtlərindən biri 2022-ci ilə qədər təqaüd yaşının 67-yə qaldırılması, 40 illik əmək fəaliyyəti olanlar üçün isə bu həddin 62 yaş olmasıdır.

Yunanıstan Maliyyə Nazirliyi ictimai təminat sisteminin təkminləşdirilməsi üçün vergidə ildə 0,5 faiz dəyişiklik etməyə də razılaşıb.

Həmçinin hökumət qaz bazarında islahatlar aparmaq öhdəliyi götürüb, 2018-ci ilə qədər bu sahədə liberallaşmaya nail olunmalıdır. Tərəflər limanların özəlləşdirməsi və TRAINOSE dəmir yolu ilə bağlı razılıq da əldə ediblər.

Yunanıstan hökuməti fermerlər üçün dizel yanacağına ayrılan maddi yardımların ləğvinə də razılıq verib.

Məlumata görə, bu il ərzində Yunanıstanın ilkin büdcəsinin defisiti ən çoxu 0,25 faiz VVP olmalıdır. Gələn il ilkin profisit - 0,5 faiz VVP, 2017-ci ildə 1,75 faiz VVP, 2018-ci ildə isə bu rəqəm 3,5 faiz VVP olmalıdır.