Amerika lideri Donald Tramp, Rusiya Prezidenti Vladimir Putin və Ukrayna Prezidenti Vladimir Zelenskinin iştirakı ilə üçtərəfli görüşün təşkilindən danışmaq hələ tezdir.

Axar.az xəbər verir ki, bunu ABŞ Dövlət katibi Marko Rubio CNN-in efirində deyib.

“Düşünürəm ki, bu barədə danışmaq hələ tezdir. Rusiya qarşılıqlı əməkdaşlığa hazırdır, lakin biz bütün aspektləri təhlil etməliyik. Bu istiqamətdə iş “kameralar qarşısında və ictimaiyyətə açıq şəkildə” aparılmayacaq”, – Dövlət katibi bildirib.

Qeyd edək ki, Ağ Evdə ötən gün ABŞ və Ukrayna liderləri Donald Tramp və Vladimir Zelenski arasında baş tutan görüş olduqca gərgin keçib və tərəflər ictimaiyyət önündə belə mübahisə ediblər. Daha sonra qapalı davam edən görüş də yarımçıq kəsilib, Zelenski Ağ Evi erkən tərk edib, birgə mətbuat konfransı və Ukrayna ilə təbii sərvətlərlə bağlı hazırlanmış sazişin imzalanması ləğv edilib.