Ana səhifə Toplum |
Azərbaycan Respunlikasının Prezidenti İlham Əliyevin bacısı Sevil Əliyevanın ad günüdür. Bu gün Sevil Əliyevanın 62 yaşı tamam olur.
Axar.az xatırladır ki, Sevil Əliyeva 12 oktyabr 1955-ci ildə Bakı şəhərində anadan olub və 1961-1971-ci illərdə orta məktəbdə, eyni zamanda musiqi məktəbində təhsil alıb.
O, 1971-1977-ci illərdə Azərbaycan Dövlət Universitetinin şərqşünaslıq fakültəsini ərəb dili şöbəsində təhsilini davam etdirib, 1977-1980-cı illərdə Moskva SSRİ Elmlər Akademiyası Şərqşünaslıq İnstitutunun aspiranturasında oxuyub və 1981-ci ildə namizədlik dissertasiyası müdafiə edib. O, 1981-1986-cı illərdə SSRİ Elmlər Akademiyası Şərqşünaslıq İnstitutunun elmi əməkdaşı olub.
1986-cı ildən isə musiqi sahəsində fəaliyyətini davam etdirir.
Hazırda Londonda yaşayan Sevil Əliyeva bir sıra mahnıların müəllifidir. Onun ən məşhur əsəri anası, mərhum akademik Zərifə Əliyevaya həsr etdiyi "Ana" elegiyasıdır.
Ailəlidir və 3 övladı var.
O həm də "Sevil" Qadınlar Məclisinin sədri, SOS Uşaq Kəndləri - Azərbaycan Assosiasiyasının fəxri prezidenti, Speys televiziyasının qurucusudur.
Tarix
2017.10.12 / 11:21
|
Müəllif
Firuzə Vahidqızı
|