Sabah hava şəraitinin dəyişkən buludlu olacağı, arabir
tutulacağı, əsasən yağmursuz keçəcəyi gözlənilir.
Ekologiya və Təbii Sərvətlər Nazirliyinin Milli
Hidrometeorologiya Departamentindan Axar.az-a verilən məlumata
görə, Bakıda və Abşeron yarımadasında səhər bəzi yerlərdə zəif
duman olacaq. Mülayim cənub küləyi əsəcək. Havanın temperaturunun
gecə 14-17, gündüz 21-26 dərəcə isti olacağı gözlənilir. Atmosfer
təzyiqi 767 mm civə sütunundan 760 mm civə sütununa düşəcək, nisbi
rütubət gecə 75-85, gündüz 60-65 faiz təşkil edəcək.
Bölgələrin hava durumuna gəlincə isə, oktyabrın 15-də hava
şəraitinin əksər rayonlarda əsasən yağmursuz keçəcəyi, gecə və
səhər ayrı-ayrı yerlərdə duman, çiskin olacağı, axşam saatlarında
bəzi qərb rayonlarında və Lənkəran-Astara zonasında isə
qısamüddətli yağış yağacağı ehtimal olunur. Şərq küləyi əsəcək.
Havanın temperaturunun gecə 11-16, gündüz 21-26, bəzi yerlərdə 28
dərəcə isti, dağlarda gecə 4-9, gündüz 12-17, bəzi yerlərdə 19
dərəcə isti olacağı gözlənilir.
Nazirlikdən verilən aqrometeoroloji şərhə görə, oktyabrın
14-16-da respublikanın rayonlarında hava şəraitinin nisbətən sabit,
əksər rayonlarda əsasən yağmursuz keçəcəyi, temperatur rejiminin
bir qədər artacağı gözlənilir. Belə hava şəraiti bütün kənd
təsərrüfatı işlərinin aparılması, o cümlədən məhsul yığımı,
payızlıq dənli bitkilərin səpini üçün əlverişli olacaq.