"DəmirBank" yeni övladı dünyaya gəlmiş valideynlərə maddi yardım göstərəcək.

Bankdan Axar.az-a verilən məlumata görə, bankın start verdiyi "Böyük gələcəyə kiçik körpülər" adlı layihəyənin məqsədi övladı yeni dünyaya gəlmiş valideynlərə yardımçı olmaqdır.

Yeni aksiya çərçivəsində "DəmirBank"ın əməkdaşlıq etdiyi klinikalarda övladı dünyaya gələn valideynlərə sertifikat təqdim olunacaq. Həmin sertifikata əsasən isə bankda övladının adına "Yığım" əmanəti hesabı açan valideynlərə yatırdıqları məbləğ qədər vəsait hədiyyə ediləcək.

Qeyd edək ki, "DəmirBank" Əmanətlərin Sığortalanması Fondunun üzvüdür. "Əmanətlərin sığortalanması haqqında" Qanununun şərtlərinə əsasən, əhalinin bankda yerləşdirdiyi əmanətlərinin sığortalanmasını təmin edir.