Qaxda Qarabağ müharibəsi əlilləri üçün fərdi evlər tikilir.

Axar.az xəbər verir ki, Qarabağ müharibəsi əlilləri və şəhid ailələrinin sosial-məişət şəraitinin yaxşılaşdırılması üçün Əmək və Əhalinin Sosial Müdafiəsi Nazirliyinin sifarişi ilə şəhər və rayonlarda fərdi evlər inşa edilir.

Belə fərdi evlərdən ikisi də hazırda Qax rayonunda tikilir. Evlərdən biri Əmbərçay kəndində birinci qrup əlil Dəyanət Məmmədov və Qax şəhərində ikinci qrup əlil İbrahim İbrahimov üçün inşa edilir. İki və üç otaqlı fərdi evlərin cari ilin sonunadək istifadəyə verilməsi nəzərdə tutulub. Hazırda hər iki evin tikintisində daxili tamamlama və bəzək işləri görülür.

Yaxın illərdə bu təbəqədən olan digər ailələr də mənzil və fərdi evlərlə təmin olunacaq.