Qədr gecəsində qılınan namazın böyük savabı vardır.

Axar.az xəbər verir ki, onun qılınma vaxtı işa namazı ilə sübh namazı arasındadır. Qədr gecəsi namazının qaydası isə belədir:

1) Niyyət: "Qədr gecəsinin namazını qılıram, qürbətən iləllah".

2) Sübh namazı kimi iki rükətdir. Lakin hər rükətdə "Həmd" surəsindən sonra yeddi dəfə "İxlas" (Qulhuvəllah) surəsi oxunulmalıdır.

3) Namazı qurtardıqdan dərhal sonra alını səcdəyə qoyaraq, yetmiş dəfə "Əstəğfirullahə və ətubu iləyh" zikri deyilir.

İmam Sadiq (ə) buyurur:

"Hər kəs bu namazı qıldıqdan sonra səcdəyə gedib yetmiş dəfə "Əstəğfirullahə və ətubu iləyh" deyərsə, səcdədən qalxmamış Allah onun özünün və ata-anasının günahlarını bağışlayar".