12:18

Rusiya Silahlı Qüvvələrinin 28 yaşlı “Smaylik” ləqəbli kəşfiyyatçı-istehkamçısı Zəkərya Əliyev Ukrayna Silahlı Qüvvələrinin Zaporojye istiqamətində üç həftə ərzində hücumlarını təkbaşına dəf edib. Ukrayna tərəfi onun başına 50 milyon rubl mükafat təyin edib.

Axar.az xəbər verir ki, bu barədə döyüşçü Rusiya mediasına verdiyi açıqlamada bildirib.

O, döyüş zamanı düşmən mövqelərində tapdığı bir kisə soğandan başqa yeməyə heç nə olmadan müdafiə mövqeyində dayanmasından danışıb. Həmçinin kinostudiya ilə həyat hekayəsinin ekranlaşdırılması üçün müqavilə bağladığını da əlavə edib.

3 həftə müdafiə xəttini saxlayan döyüşçü bildirib ki, onu ələ keçirmək istəyiblər. Hətta Ukrayna Silahlı Qüvvələrinin dronları öz əsgərlərini də öldürüb.

Hazırda xəstəxanada müalicə alan hərbçi buradan çıxdıqdan sonra “xüsusi hərbi əməliyyat zonası”na qayıtmağı planlaşdırır.

Qeyd edək ki, Zəkərya Əliyev haqqında ilk geniş müzakirələr 2024-cü ilin noyabr ayında yayılan video-görüntü ilə başlamışdı. Videoda Əliyev düşmən dronlarının müşahidəsi altında boşqabla dayandığını, vəziyyəti zarafatla təsvir etdiyini göstərmişdi.