Nümayəndələr Palatasının Demokratlar Partiyasından olan üzvü Miki Şerrill İlon Maskı və Hökumətin Effektivliyi Departamentinin (DOGE) işçilərini gündəlik narkotik testindən keçməyə məcbur edə biləcək qanun layihəsi təqdim edib.

Axar.az xəbər verir ki, bu barədə “Axios” nəşri məlumat yayıb.

Qanun layihəsi xüsusi ixtisaslı dövlət işçilərindən işə başlamazdan əvvəl narkotik testlərindən keçməyi və təsadüfi narkotik testi proqramında iştirak etməyi tələb edəcək.

Testin nəticələri müsbət çıxan hər bir kəs federal xidmətdən minimum 1 il müddətinə uzaqlaşdırılacaq.

“Amerika xalqını Prezident Donald Tramp administrasiyasının səriştəsizliyindən və onun milli təhlükəsizliyə açıq-aşkar etinasızlığından qorumaq həmişəkindən daha vacibdir”, - Şerrill bildirib.