Yazıçı Kamran Nəzirlinin "Narkoman" pyesi rus və Belarus dillərinə tərcümə edilərək beynəlxalq "Sozvuçie" saytında yerləşdirilib.

Axar.az xəbər verir ki, Kamran Nəzirlinin "Narkoman" pyesi saytda böyük maraq doğurub, əsəri qısa müddətdə minlərlə adam oxuyub. Yazıçıya Ukrayna, Belarus, Rusiya, habelə Bolqarıstan və Türkiyə teatrlarından "Narkoman"ı səhnələşdirmək üçün təkliflər gəlib.

Bu rəsmi internet səhifəsi Belarusun "Zvezda" nəşriyyat evinin "MDB ölkələri ədəbiyyatları və xalqlarının dostluğu" devizi altında yaradılmış elektron media layihəsidir. Məqsəd MDB ölkələrindəki müasir ədəbi qüvvələri yaxınlaşdırmaq, Belarus, Rusiya, Qazaxıstan, Türkmənistan, Tacikistan, Azərbaycan, Ukrayna, Qırğızıstan, Moldova, Gürcüstan və s. müstəqil dövlətlərdə inkişaf edən ədəbi-mədəni proseslərdən xəbərdar olmaq, onları elektron informasiya məkanı vasitəsilə dünyaya çatdırmaqdır.